لەم یارییەدا فێرخواز هەم چێژ وەردەگرێت و هەم فێری جیاکردنەوەی ژمارە تاک و جووتەکان دەبێت. سەرەتا پێویستە فێرخوازان بەپێوە بوەستن و هەموو ئامادەی یارییەکە بن و مامۆستا بۆیان ڕوون بکاتەوە و ڕێک بکەون لەسەر شێوازەکەی، مامۆستا بە تێکەڵی و بە ئارەزووی خۆی لەو ژمارانەی خوێندراون ژمارە دەڵێت و لە ژمارە تاکەکان پێویستە فێرخواز دابنیشت و لە ژمارە جووتەکان بەپێوەبێت یان بە پێچەوانەشەوە گونجاوە، بەڵام پێویستە فێرخوازەکان سەرەتا هەریەکە و ژمارەیەکیان هەبێت، دواتر مامۆستا بە تێکەڵی ژمارە دەڵێت، فێرخوازەکان پێویستە ئاگادار بن کە ژمارەکەی خۆیان گوترا خێرا ئەو داواکارییە بکەن، کە مامۆستا پێشتر پێی گووتن

ئامانج لەم یارییە

ئامانج لەم یاری و چالاکییە
١.فێرخواز فێری کاری گرووپی دەبێت

 ٢.فێری ناسینەوە و جیاکردنەوەی ژمارەکان دەبێت

٣.فێری خێرایی لە کارکردندا دەبێت